Haltu kjafti og vertu sæt!

nýtt blogg...

Tue, 15 Aug 2006 22:14:02 GMT

Nýtt blogg hjá mér... vinkur.blogspot.com :) endilega kíkja þangað

Katrín

19. júlí...

Wed, 19 Jul 2006 12:49:25 GMT

Ég horfi á Supernova. Finnst það skemmtilegt, alltaf gaman þegar þjóðarstoltið kitlar manni. Það sem mér finnst hins vegar alveg hrikalega asnalegt eru þessir útjöskuðu rokkarar sem eiga víst öruggt sæti í hljómsveitinni. Tommy Lee, Gilby Clark og Jason Newstead (eða hvernig sem maður stafsetur það)

Þeir eru bara asnalegir... Þá sérstaklega Tommy sem virðist vilja ríða öllum kvensöngkonunum sem eru að taka þátt, segir sjaldan eitthvað um sönginn hjá þeim. Biður þær bara vinsamlegast að sleppa fötunum næst þegar þær stíga á svið. Hinir fara bara í taugarnar á mér af því þeir eru með ljótt hár. Allir eru þeir nú samt svo miklir töffarar að maður skammast sín fyrir þeirra hönd.

Vissuð þið að rósettusteinninn fannst í dag árið 1799. Og að fyrsta Tour de France lauk í dag árið 1903. Svo gerðist nú ekki ómerkari atburður er svo að Apollo 11 lenti á tunglinu árið 1969. Árið 1987 fæddist ég svo... Verst að ég fann enga merkismenn sem eiga sama afmælisdag og ég svo þessir atburðir verða að duga.

Ég er sem sagt orðin 19 ára. Bara ár í að ég verði 20... jeminn ég er að verða gömul...

mmmm peningagjáin....

Thu, 06 Jul 2006 15:35:30 GMT

Gerðist þjóðleg um daginn... Fór að rækta fjölskyldu tengslin með familíunni á Þingvöllum. Kaldasta nótt sem ég hef upplifað lengi. Það kom samt ekki í veg fyrir það að mig dauðlangaði til að synda í peningagjánni. Sennilega eitt syndilegasta vatn á Íslandi. Hver kemur með!? ;)
Varð samt fyrir vonbrigðum, var að vona að það yrðu ekki svona margir þarna, svo maður gæti nú notið guðsgrænnar náttúrunnar. Það voru öll tjaldsvæðin full og ég gleymdi hver tilgangurinn með fjölskyldu útilegum er.

Nú svo var ekki nóg að rækta fjölskylduböndin þessa einu helgi svo ég fór með pápa og litla bróður norður á Blönduós. Sértrúarsöfnuðurinn (Íslandrover) var þar saman kominn. Rigning allann tímann og ég fékk uppljómun! Tilgangurinn með útlegum er að blotna, vera kalt og borða baunir. Held að það sé verðugur tilgangur.

Þetta er svona í alveg úber stuttu máli það sem á daga mína hefur drifið, tvær fríhelgar í röð og ég í útilegum í bæði skiptin... svo koma írskir dagar og ég að vinna. Læt það nú samt ekki á mig fá, fer bara samt á lopapeysuballið! Svo langt síðan ég hef skemmt mér síðast, er eiginlega hissa á að ég geti enn talað við fólk...

Túður!

Mon, 19 Jun 2006 19:43:02 GMT

Ég átti tvíburabróður um helgina :lol: Jájá... það var eina leiðin til að koma lilla inn á ballið. Heví gaman á ballinu, ég eins edrú og ein manneskja getur verið svo ég greip bara á það ráð að fylla litla bróður. Þá fór mér að leiðast aðeins minna. Svo varð maður auðvitað að taka að sér starf edrúans og keyra fólk heim.

Marta varð eitthvað drukkin, en hún segir ykkur bara frá því. Það hins vegar leiddi til þess að ég fékk símtal í morgun frá henni þar sem hún hafð sofið yfir sig og sárvantaði far í vinnuna þar sem hún var bíllaus. Ooog af því ég er svo frábær mannsveskja þá varð ég náttúrulega við þeirri bón hennar.

Bros til að létta ykkur mánudagana og þriðjudagana...

OFURKINDIN ÁSMUNDUR

Fri, 16 Jun 2006 22:44:38 GMT

Frábær dagur hjá mér. Það komu heilar 4 manneskjur í sund í dag.. Það er svona þegar það er rigning...

Hlutir sem eru nauðsynlegir í 8 stunda einveru:

-Bók

-Geisladiskar

-Eins margar Sudoku gátur og þú finnur!

En ok, sjitt þú ert búin að lesa allt sem þú nennir að lesa í bókinni þann daginn, geisladiskarnir eru orðinir "ofhlustaðir" (nema einn) og þú hefur gefist upp á öllum Sudoku gátunum (því í rauninni ertu ömurleg í Sudoku en vilt ekki viðurkenna það!).

Þú gætir byrjað að dansa við diskinn sem er búinn að vera í tækinu í allan dag, hann er nýr (jeij frábært!). Annar kostur er að kalla Ofurkindina Ásmund til.

Plastbolli og penni er allt sem þarf til að kalla fram hann Ása minn. Krotar ofurkind á bollann og sjá! Þú hefur vin til að tala við! Var farin að fíla mig svolítið eins og Tom Hanks í Cast Away.. "Wilson! Wilson!"

Hugsanir sem eltu mig í dag:

-Ætli fuglar verði lofthræddir (sérstaklega í vindi)

-Hvaðan kemur þessi blómalykt?? (Fann það aldrei út)

-Ojjj kattahlandslykt! (Ekki spyrja mig hvers vegna!)

-Ó mæ god ég er búin að hlusta á þennann disk 8 sinnum...

-Ég held ég sé að missa vitið!!!

Og svona í lokin þá hlustaði ég í alvöru á diskinn 8 sinnum. The Life Pursuit by Belle and Sebastian er sennilega einn besti diskur sem ég hef heyrt ævinni...

Þess vegna er lag dagsins óhjákvæmilega með þeim: Funny Little Frog.

Ce moi le stressbolti!

Mon, 05 Jun 2006 13:43:35 GMT

Í gær staðfesti ég umsókn mína í hetjufélag Íslands.. eða þannig. Var búin að vera alveg ógeðslega dugleg að vinna alla helgina og passa að húsbílafólk, sem hafði reist þorp fyrir utan Hlaði, drukknaði ekki.

Gekk alveg rosalega vel, þangað til að kona datt í stiganum og fór úr axlarlið og kannski eitthvað brotin. Ái. Það var alveg hræðilegt að sjá öxlina. Og ég ekki búin að fullmennta mig í skyndihjálp (námskeiðið verður í næstu viku).

Það sem mér finnst samt skrýtið er að Marta hefur aldrei lent í neinu slysi. Svo þegar kemur að mér þá er ég alltaf að lenda í einhverju. Það eru álög á mér.

Þessi er örugglega að kyrja seið yfir mér.

En alla vega þá hringdum við á sjúkrabíl því konan gat ekki hreyft hendina og við þorðum ekki að hætta á að þetta yrði verra. Svo það var alveg rosalega stressandi að vera ég í gær. Var eldrauð í framan af stressi. (Já ég verð líka rauð í framan þegar ég er stressuð, ekki bara þegar ég fer hjá mér)

Held að ég geti sagt að ég hafi verið einstaklega óheppin í gær. Það gekk bara allt á afturfótunum í vinnunni, virkaði ekkert eins og það átti að virka, og það var ekki við að minnka stressið. Var eins og lítill stressbolti. Svo ótrúlega fegin að ég er ekki að vinna í dag.

Eldur og ógeð...

Thu, 01 Jun 2006 17:33:45 GMT

Var að þrífa sundlaugina með Mörtu í gær. Við erum náttúrulega svo miklar skandalavélar að okkur tókst að gera heila tvo skandala.

Ætli þessi vél geti framleitt skandala??

Fyrri skandallinn felur í sér rafmagnssnúru, eld og mig hlaupandi í slómósjon. Það sem sagt sprakk gat í rafmagnsnúru og það kom þvílíkur blossi og eldur, sennilega heppin að hafa ekki fengið stuð. En hey, það hefði bara verið stuð! (hahaha allir hlæja). Hljóp í slómósjon og kippti snúrunni úr sambandi. Ég er hetjan í sögunni, jájá :)

Seinni skandallinn átti sér stað við rulsagám. Felur í sér lykla, illa lyktandi rusl og gellurnar að míga í sig af hlátri. Og bara svo fólk virkilega skilji hve illa lyktandi ruslið var þá samanstóð það af súrnuðum bleyjum, gerjuðum dömubindum og fúlum kaffikorgi, allt bleytt vel upp með vatni svo lyktin finnist betur.

Þessu vorum við sem sagt að henda í gáminn. Fatta þegar hendingunum er lokið að ég er ekki lengur með lyklana sem ég var með í höndunum rétt áður. Snillingurinn ég hafði sem sagt hent blessuðum lyklunum að sundlauginni í gáminn. Held að ég hafi aldrei hlegið eins mikið á ævinni. Og svo til að toppa allt þá rennir yfirmaðurinn að okkur þar sem ég er hálf ofan í gám að gramsa eftir lyklum í ofangreindum ógeðslegheitum. Ekki mín besta stund.

Til að gera langa sögu stutta þá fundum við lyklana og sagan endar sem sagt vel. Ætla héðan í frá að setja lyklana í vasann áður en ég hendi í rusli.

Sjáfsmorðsárátta íslenskra fulga með sundgleraugu.

Sun, 28 May 2006 23:58:31 GMT

Þegar tekur að sumra á klakanum er óhjákvæmilegt að það komi fiðurfénaður frá fjarlægum löndum til að gefa heiðunum líf, eða í þessu tilviki þjóðvegunum dauða!

Þessur útlendu fuglar vilja örugglega deyja. Þeir eru ekki að tsjilla á þúfu einhvers staðar uppi á fjalli. Nei, þeir sitja sem fastast annað hvort á veginum eða í vegkantinum og fljúga þá upp svo maður geti örugglega keyrt á þá.

Var að keyra heim um þrjúleitið í gærnótt, í góðum fíling á 90 (öllum hraðakstri lokið hjá mér, hætti ekki á fleiri skemmdarverk). Það voru heilu flokkarnir af fuglum sem voru búnir að eigna sér veginn, sem betur fer keyrði ég ekki á neinn en mér fannst þetta svo skrýtið. Af hverju eru þeir alltaf á veginum??? Ég vil samt koma því að að ég er ekki búin að keyra á neinn fulg í ár og ætla helst að reyna að komast hjá því...

Ýmindið ykkur bara að þetta sé fugl...

Nú og svo að öðru. Hver fann upp sundgleraugun? Mig myndi langa að vita það. Var að spá í þessu í allann dag..

Lag dagsins (alla vega þess sem eftir er af honum) er á efa Nothing Better með The Postal Service. Frábært lag og frábær hljómsveit, mæli með henni.

Daman í mér...

Wed, 24 May 2006 17:32:51 GMT

Hvernig veistu hvort þú ert of mikil dama til að vinna í byggingarvinnu??

1. Þú lagar naglaböndin á þér með skrúfjárni
2. Hugsar mjög mikið um það hvernig hendurnar á þeir eiga eftir að líta út eftir daginn
3. Hugsar með þér að trélím gæti virkað sem naglalakk
4. Ferð að raða nöglum í stæðraðrröð.. og gleymir að negla
5. Hringirnir þínir eru beyglaðir eftir að lemja með hamrinum.. og þú fattaðir ekki að taka þá af...:S
6. Það er kalt úti svo þú ert með húfu.. og það eina sem kemst að hjá þér er: "Hvernig ætli ég líti út?? Ætli húfan geri mig hræðilega útlítandi?? OMG!!" Þótt það sé enginn sætur strákur næstu 20 kílómetrana...
7. Finnst gaman að horfa á trélím þorna á puttunum á þér, en það gæti náttúrulega bara verið af því að þér finnst vinnan leiðileg...

Ég er sem sagt búin að vera að vinna í byggingarvinnu síðustu dagana... Verst að ég er bara engin dama ;)

"Well you should see Polythene Pam!"

Mon, 15 May 2006 14:06:10 GMT

Ég verð að lýsa yfir áhyggjum mínum yfir júróvisjón keppanda okkar. Hún á örugglega eftir að láta reka okkur úr keppninni..

Silvía Nótt er persóna og manneskjan á bakvið hana heitir Ágústa Eva.. ég spyr bara er Ágústu Evu ekkert heilagt. Það er allt í lagi að fara úr persónu svona rétt á meðan hún stendur upp á sviðinu og er að syngja lagið. Þá er ég nú ekki að meina að hún eigi að hætta að vera Silvía Nótt heldur eigi hún bara að sleppa þessu eina blótsyrði sem er vinsamlegast búið að biðja hana um að sleppa.

Ég vil ekki að við verðum rekin úr júróvisjón. Þótt lögin séu alls ekkert til að hrópa húrra fyrir þá er alltaf gaman að horfa á það. Svo þegar kemur að Íslandi er alltaf gaman að láta þjóðarstoltið (rembuna) bylgjast um sig alla og dást að tónlistarlegum yfirburðum þessa litla lands. Sem eru nú kannski ekkert alltaf alveg frábærir í júróvisjón....

Mér hefur samt fundist eins og íslendingar hafi farið að fylgja aðeins of mikið stefnu annarra Evrópulanda og senda stundum, nei oft, bara svona lala lög sem er alveg hægt að spá fyrir um hvernig næsta laglína verður. Hvað er gaman við að heyra eitthvað svoleiðis? Tónlist á að vera fjölbreytt og spennandi.

En það er náttúrulega ekki þannig sem júróvisjón á að vera.. þá væri ekkert gaman að drekka sig fullan yfir því og hlæja að öllum hinum keppendunum...

Ókei ég held að ég sé búin að tæma júróvisjón kvartandirnar mínar... Vona bara að við fáum að vera áfram í keppninni og að Ágústa sleppi því að segja þetta eina orð.

Lög dagsins í dag eru Mean Mr. Mustard og Polythene Pam með The Beatles.. frá bær lög...

Hvar er ég búin að vera!!?!

Sun, 14 May 2006 01:42:37 GMT

Fyrir utan það að vera pínu sorgleg að vera heima á netinu klukkan hálf tvö þá er ég bara ánægð með það..

Ég var að gera alveg undraverða uppgötvun.. enn eina. Ég er búin að vera að horfa á Sex and the City í allt kvöld og ég bara spyr, hvernig í ósöpunum gat ég látið þetta framhjá mér fara!!?

Jább búin að liggja í sófanum, hálf slefandi í götóttum gallabuxum síðan í 10. bekk og með móður mína mér við hlið horfandi á Carrie og ég verð bara að segja að þessir þættir hafa heillað mig.. af hverju var ég ekki búin að uppgötva þá fyrr? Jú ætli það sé ekki þörf mín fyrir að falla ekki fyrir því sem öllum finnst flott þá stundina og um stund var það náttúrulega kynlíf og borgin. Sé eftir því núna.

En þetta átti ekkert að vera tribjút blogg til Sex and the City.. þau hafa nú áreiðanlega komið þó nokkuð mörg.. Æ mig langaði að segja eitthvað merkilegt en fróðleikurinn virðist eitthvað standa á sér núna.. svo ég segi bara rassgat og segjum það svo gott.

athugasemd...

Thu, 11 May 2006 11:05:15 GMT

Ég er komin í sumarfrí!!! :D

Sól og sætir strákar...

Mon, 08 May 2006 14:06:46 GMT

Hvað er betra en að liggja í grasi í sólskini og blanka logni með hundasúru í annarri og bók í hinni? Prófalesturinn gengur eins og í sögu þegar aðstæður eru svona góðar...

Samt verð ég nú líka að kvarta aðeins :| Hvernig stendur á því að sætir strákar fara ekki í sund í Hvalfirðinum?? Þarna kemur enn og aftur sú staðreynd að allir sætu strákarnir eru í Reykjavík, ja kannski ekki alveg allir (nefni engin nöfn, þið vitið hverjir þið eruð ;)) Ég er samt enn að bíða eftir að Johnny Depp boði komu sína til mín, nú eða Orlando Bloom.. úh eða Wentworth Miller eða.. ókei ég er hætt núna, gæti samt haldið endalaust áfram...

Oooog svo er ég farin að liggja aftur í grasinu, að njóta þessara fáu sólargeisla sem Íslandið góða mun fá í ár, og lesa um síðustu daga Sókratesar.

Skaðræðisgripurinn ég...

Sat, 06 May 2006 12:15:40 GMT

Lenti í skemmtilegu símtali við Mörtu um daginn, það var einhvernveginn svona:

Ég: "Hæ, hvað segiru?"

Marta: "Hæ. (hvíslandi). Það er allt brjálað hérna"

Ég: "Ha?"

Marta: "Mamma og pabbi (taut) bókina"

Eftir þetta skellti hún á... hafði smá áhyggjur þangað til ég hitti hana daginn eftir. Kom í ljós að ég hafði ekki verið að tala við manneskju með meðvitund. Kellingin hafði talað við mig upp úr svefni... Fannst þetta nokkuð skondið..

Við skruppum svo niðrá skaga í gær og við náðum held ég að toppa eigin sorglegheit með skringilegum rúntum.. ég var driver, ekkert að því. Lenti samt í alveg svakalegum atburði. Greyið bíllinn hennar mömmu, hvers á hann að gjalda.

Ég var sem sagt að bakka úr stæði og það vildi svo til að í nágrenninu var verið að byggja sumarbústað. Ég bakkaði á sumarbústaðinn! Ég var náttúrulega alveg miður mín og stekk útúr bílnum og þá er heil spíta föst í stuðaranum. Helvítis sumarbústaður, að stökkva svona í veg fyrir mann.

Ég næ samt að keyra af spítunni og sjónin sem blasti við þá var ekkert betri. Risastórt gat í stuðaranum. Fegin að eiga líbó foreldra núna...

Sumarið er svo komið, skítalyktin af túnum leynir því ekki og sú staðreynd að ég er búin að fara í mitt árlega vortásludrullubað.. alltaf hressandi.

Léttir í helvíti

Tue, 02 May 2006 21:03:41 GMT

Ég var að fatta það! Þvílík uppgötvun! Múhahaha...Þessi uppgötvun á eftir að breyta mér, hvort sem það verðu til hins betra eða verra.. okei orðin forvitin?

Ég var nú ekki að fatta neitt merkilegra en það að ég er loksins búin að stíga stórt skref í áttina að betra og áhyggjuminna lífi. Ég er búin með allar ritgerðir, allar skýrslur og öll verkefni sem ég átti að vera búin að skila fyrir viku síðan.. Ég er líka búin að skila þeim. Hamingjan er óbærileg. Ég gæti hoppað af gleði, reyndar ætla ég bara að gera það! Hopp hopp hopp...

En maður má samt ekki fagna strax.. á auðvitað ennþá eftir að fara í próf.. En það er allt í lagi, hef litla trú á að ég fari að taka upp á því að falla svona á næst síðustu önninni minni. Fer líka bara í 3 próf þannig að ég er ekkert að stressa mig of mikið yfir þessu öllu.. Félagsfræði :evil: og stjörnufræði núna á fimmtudaginn og svo eftir viku er það heimspeki..

Annars er ég búin að gera alveg stórmerka uppgötvun, hehe já aðra.. Það var að renna upp fyrir mér ljós, ljós úr helvíti. Já ég er búin að komast að því að stofa D-204 er forgarður helvítis. KFC er sendur til jarðar til að kenna leiðilegasta fag í heimi, félagsfræði. Þetta er tilgangslausasta fag í heimi og að hugsa sér að ég eyddi fjórum klukkutímum í þetta í viku, þegar ég hefði getað verið í stærðfræði eða bara eitthvað merkilegra en félagsfræði.. ömurlegt fag.. Mig minnir meira að segja að það hafi einu sinni rignt eldi og brennisteini í einum tímanum..

Svarta veran fremst á myndinni er enginn annar en KFC drottnari stofu D-204...

En þetta er sem sagt bara enn ein tilgangslaus færsla.. eru ekki allar færslur tilgangslausar...